Gion Deplazes
1918 - 2015
Naschius a Surrein, ina vischnaunca da Sumvitg. Scolas medias a Mustér ed a Cuera. Studi da historia, litteratura e psicologia a l'Universitad da Friburg e Turitg. Scolast da tudestg e da historia al gimnasi a Cuera e pli tard conrectur tochen il 1990. Suenter sia pensiun instruescha el siat onns romontsch alla scola da dunnas a Cuera. El ei s'engaschaus bia per la cultura romontscha, aschia era per la Lia Rumantscha ed ha era presidiau la Societad Retorumantscha e bia auter. El ei in dils pli impurtonts scribents romontschs. Il 1942 entscheiva Deplazes a publicar sias ovras e daventa entras quei in dils pli enconuschents auturs sursilvans. El ha scret impurtontas lavurs davart la litteratura romontscha, plinavon era prosa, lirica e dramas. Entginas ovras da Gion Deplazes ein vegnidas translatadas en tudestg, franzos, svedes, rumen ed en engles. (Ord: «Wikipedia»)