Victor Durschei
1917 - 2011
Naschius a Segnas sper Mustér. Suenter il seminari a Cuera eis el staus plirs onns scolast a Mumpé Medel ed a Segnas e cussegliader da clamada per 74 vischnauncas. Enorms ei siu engaschi staus sin il sectur cultural sco dirigent, organist e reschissur da teater. Plinavon ha el scret ina novella, publicau treis toms cun poesias e scret biars artechels per la pressa romontscha. Per sias prestaziuns ha el retschiet il 1994 il premi da cultura dalla Cuminonza Romontscha Radio e Televisiun (CRR), il 1995 il premi da renconuschientscha dil cantun Grischun ed il 2007 il premi da renconuschientscha Desertina.(Ord: «Protocol, cussegl da vischnaunca Mustér, 26 d'uost 2011»)