Donat Cadruvi
1923 - 1998
Naschius a Schluein. Suenter la scola mercantila a Ragaz e la scola media a Turitg e Cuera studegia el giurisprudenza, litteratura taliana e franzosa sco era schurnalistica a Friburg. Dapi il 1955 advocat e notar a Glion, actuar dalla Dertgira cantunala, dil 1957 – 1965 e dil 1967 – 1971 deputau dalla Partida cristiansociala conservativa resp. dalla Partida cristiandemocrata svizra el Cussegl grond, dil 1959 – 1963 derschader cantunal, dil 1963 – 1971 cusseglier naziunal, dil 1975 – 1978 president dil marcau da Glion e dil 1979 – 1988 cusseglier guvernativ dil cantun Grischun. Cadruvi publichescha pliras lavurs litteraras, denter auter la novella sociocritica «Il socialist da Seglias» che fa sensaziun. (Ord: «Theaterlexikon»)