Ord la veta · Reminiscenzas
Ambassadur per la cultura romontscha
Per Eduard Lombriser era ei impurtont da cultivar il romontsch. El enconuscheva tut ils idioms e fageva mintgaton translaziuns per la Lia Rumantscha el lungatg da standard rumantsch grischun. A Laufen teneva el referats all'universitad populara e deva cuors da romontsch.
Adina puspei anflava Eduard Lombriser temps per cumponer, 300 canzuns, las biaras romontschas. Per l'inauguraziun dalla scola secundara da Laufen han ins udiu il 1964 per l'emprema ga la canzun «S'Laufetaler Lied» tenor ina poesia dil poet indigen Albin Fringeli. Regularmein cantada vegn sia messa «Gib der Welt den Frieden».
